სიახლე

პედაგოგიურმა საბჭომ ხმების აბსოლიტური უმრავლესობით დადებითად შეაფასა გიმნაზიის, გასული 2021/2022 სასწავლო წლის მუშაობა.

გიმნაზიის რექტორმა დეკანოზმა მირიან სამხარაძემ, პედაგოგიურ საბჭოს გააცნო საპატრიარქოში წარსადგენი, 2023 წლის ბიუჯეტის პროექტი, რომელიც მიმდინარე წლის ბიუჯეტთან შედარებით, გაზრდილია 100 000 ლარით, რაც განპირობებულია პედაგოგთა საკვალიფიკაციო სახელფასო დანამატისა და სამეურნეო ხარჯების გაზრდის გამო არსებული ინფლაციის გათვალისწინებით.

გიმნაზიის რექტორმა დააკმაყოფილა აღმასრულებელი დირექტორის, მაყვალა ანთაძის განცხადება დაკავებული თანამდებობიდან გათავისუფლების შესახებ, და მადლობა გამოუცხადა 12 წლიანი თავდაუზოგავი შრომისათვის და აღნიშნა ის დიდი ღვაწლი, რაც მას მიუძღვის ქართული მართლმადიდებელი ეკლესიისა და გიმნაზიის წინაშე.

პედაგოგიურ საბჭოზე, გიმნაზიის რექტორის მიერ გაკეთდა განცხადება პედაგოგთა კუთვნილ შვებულებაში გასვლასთან დაკავშირებით 2022 წლის 1 ივლისიდან და შვებულების ხანგრძლივობა განისაზღვრა 48 კალენდარული დღით, რის შემდეგაც ვადიანი შრომითი ხელშეკრულებები შეუწყდება ყველა პედაგოგს. დაზუსტდა თანამშრომლებთან, კომუნიკაციის ოფიციალური საშუალების, ელექრტონული ფოსტის მისამართები, რომლის მეშვეობითაც, ყველა პედაგოგს ეცნობება დირექციის შემდგომი გადაწყვეტილებები.

მიმდინარეობს დირექციასა და მოსწავლის მშობელს შორის, ძირითადი საგანმანათლებლო ხელშეკრულებების გაფორმება, რომელიც უნდა დასრულდეს 15 ივლისს, რომლის შემდეგ დადგინდება მოსწავლეთა, ფინანსური კლასებისა და საგაკვეთილო საათების რაოდენობა.

აქედან გამომდინარე, ახალი ხელშეკრულების გაფორმებამდე ერთი თვით ადრე, ეცნობება ყველა პედაგოგს, აპირებს თუ არა გიმნაზიის დირექცია მასთან ხელშეკრულების გაფორმებას.

ვისაც ეცნობება, რომ გიმნაზია აპირებს მასთან ხელშეკრულების გაფორმებას, უნდა წარმოადგინოს:

1. სამოტივაციო წერილი,

2. ინფორმაცია, გასულ სასწავლო წელს გაწეული მუშაობის შესახებ,

3. მოძღვრის რეკომენდაცია

ამით, წმიდა თამარ მეფის სახელობის გიმნაზიის პედაგოგიურმა საბჭომ მუშაობა დაამთავრა......

უახლოეს დღეებში გამოქვეყნდება გიმნაზიის პედაგოგიური საბჭოს მსვლელობის მასალები.....